İran və Rusiya arasında kosmik sənaye sahəsində əməkdaşlığın inkişaf etdirilməsi məqsədilə anlaşma memorandumu imzalanıb.
SİA əldə etdiyi məlumata istinadən xəbər verir ki, İranın rəsmi agentliyi İRNA-nın xəbərinə görə, sözügedən anlaşma memorandumu İranın Kosmik Agentliyi və Rusiya Federal Kosmos Agentliyinin (Roskosmos) rəsmiləri arasında İranın Kiş adasında keçirilən Beynəlxalq Aviasiya Sərgisi zamanı imzalanıb.
İmzalanma mərasimində çıxış edən İranın Kosmik Agentliyinin prezidenti Həsən Salariye bildirib ki, imzalanan anlaşma memorandumu iki ölkə arasında kosmos sahəsində əməkdaşlıq üzrə kommunikasiyanı gücləndirəcək.
“Bu əməkdaşlıq sənədi zondlama və telekommunikasiya peyklərinin tikintisi, laboratoriya infrastrukturunun yaradılması və montajı, həmçinin buraxılış bazası və peyk sınaqları sahəsində əməkdaşlıq kimi məsələləri əhatə edir”, -deyə o qeyd edib.
Roskosmosun prezidenti Yuri Borisov da bəyan edib ki, Moskva ilə Tehran arasında kosmik sənaye sahəsində əməkdaşlıq 2002-ci ildə başlayıb.
İranın bu sahədə ciddi irəliləyiş əldə etdiyini bildirən Borisov deyib:
"İranın kosmik sənayesinin inkişafı proqramı bu sənayenin bütün sahələrini əhatə edir və Rusiya İrana məqsədlərinə çatmasına kömək edir. İranlı astronavtların Rusiya kosmik stansiyasına göndərilməsi iki ölkənin birgə proqramlarından biridir".
Bütün xəbərlər Facebook səhifəmizdə
USD
EUR
GBP
RUB