İsveçin Baş naziri Ulf Kristersson, NATO-ya üzv ola bilmək üçün iyunun 28-də ölkəsi, Türkiye və Finlandiya arasında imzalanmış üçtərəfli memorandumun şərtlərini çox ciddi qəbul etdiklərini bildirib.
Baş nazir Kristersson mətbuata verdiyi açıqlamasında ölkəsinin yeni müdafiə siyasətinin əsasını NATO-ya üzvlük təşkil etdiyinə diqqət çəkib. SİA bu barədə Tükiyə saytlarına istinad edir.
Yeganə hədəflərinin NATO-ya üzv olmaq olduğunu ifadə edən Baş nazir Kristersson: “İyunun 28-də İsveç, Türkiye və Finlandiya arasında NATO-ya üzvlüklə bağlı imzalanmış üçtərəfli memorandumun şərtlərini çox ciddi qəbul edir və eyni ciddiliklə danışıqları davam etdiririk. Finlandiyanın baş naziri Sanna Marinlə də bu mövzuda tez-tez danışıqlar aparırıq. İki həftə əvvəl Türkiyedən gələn nümayəndə heyəti ilə paytaxt Stokholmda məhsuldar görüşümüz olub”-deyə Baş nazir vurğulayıb.
Bütün xəbərlər Facebook səhifəmizdə
USD
EUR
GBP
RUB