Qazaxıstandan Azərbaycana yeni aviareys açılır

2023-cü ilin yaz-yay naviqasiya dövründə Astanadan Bakıya yeni uçuşların açılması gözlənilir. SİA xəbər verir ki, bu barədə Qazaxıstan Sənaye və İnfrastrukturun İnkişafı Nazirliyinin mətbuat xidməti məlumat yayıb.

“2023-cü ilin yaz-yay naviqasiya dövründə Aktau və Çimkənddən Ankaraya, Almatı və Aktaudan Mədinəyə, Astanadan Nyaçanqa, dekabrın 25-dən etibarən Astanadan Bakıya, Çimkənddən Düşənbəyə reyslərin açılması gözlənilir. Eyni zamanda, “Air Seychelles” aviaşirkəti dekabrın 26-dan etibarən Qazaxıstan və Seyşel adaları arasında Almatı-Mahe istiqamətində reyslər açmağı planlaşdırır”, - məlumatda deyilir.

Bildirilir ki, hazırda qazaxıstanlılar dünyanın 29 ölkəsinə birbaşa uçuşlar həyata keçirə bilirlər.

Bütün xəbərlər Facebook səhifəmizdə