Fransanın paytaxtı Parisdə 1981-ci ildə Renee Hartevelti öldürüb onun cəsədini yeyən "Kobe Cannibal" ləqəbli yapon qatili İssei Saqava 73 yaşında sətəlcəm xəstəliyindən vəfat edib. SİA xarici mediaya istinadən xəbər verir ki, "Kobe Cannibal" ləqəbli yapon qatili İssei Saqava 1981-ci ildə Fransanın paytaxtı Parisdə Rene Hartevelt adlı holland qadını öldürərək onun cəsədini yedikdən sonra dünyasını dəyişib. Cinayəti ilə məşhur mədəniyyət ikonasına çevrilən 73 yaşlı Saqavanın uzun müddətli baxıcısı qardaşının noyabrın 24-də Tokiodakı xəstəxanada sətəlcəm xəstəliyindən dünyasını dəyişdiyini açıqlayıb.
1949-cu ildə Yaponiyanın Kobe şəhərində varlı bir ailədə dünyaya gələn Saqava 28 yaşında ədəbiyyat üzrə doktorantura təhsili almaq üçün Fransaya gedib. 11 iyun 1981-ci ildə Sorbonnadan olan sinif yoldaşı Renee Harteveltlə şeirləri tərcümə etmək bəhanəsi ilə tanış olub. Onu nahara dəvət etdikdən sonra tüfənglə güllələyərək öldürüb. Məlum olub ki, qurbanın meyitini zorlayan Saqava daha sonra bədənin bəzi hissələrini yeyib. Özünü zəif, çirkin və kiçik kimi xarakterizə edən Saqava Harteveltin həyat enerjisini yeməklə udmaq istədiyini iddia edib. Cinayət qabiliyyətinin olmadığı səbəbilə Fransada mühakimə oluna bilməyən Saqava daha sonra Yaponiyaya gətirilərək xəstəxanaya yerləşdirilib.
Fransada iş materialları bağlandığı üçün ölkəsində mühakimə oluna bilməyən Saqavanın sağlam olduğu qənaətinə gələn həkimlər, Saqavanın qətli törətməkdə yeganə motivasiyasının onun cinsi pozğunluğu olduğunu açıqlayıblar. Saqavanın 1986-cı il avqustun 12-də xəstəxanadan çıxdıqdan sonra normal həyatına qayıtması böyük müzakirələrə səbəb olarkən, qətli kitablara və filmlərə mövzu olan Saqava məşhur mədəniyyət simvolu oldu.
Saqava 1986-1997-ci illər arasında proqramlarda tez-tez qonaq məruzəçi və şərhçi olub, kitablar yazıb jurnallara şərhlər yazıb. İddialara görə, illər keçdikcə populyarlığını itirən və 2013-cü ildə sinir sistemini daimi zədələyən beyin xəstəliyinə görə xəstəxanaya yerləşdirilən Saqava o vaxtdan bəri qardaşının qayğısına qalırdı.
Bütün xəbərlər Facebook səhifəmizdə
.jpg)
USD
EUR
GBP
RUB