Mövlud Çavuşoğlu Antonio Tijani ilə görüşüb

Türkiyənin xarici işlər naziri Mövlud Çavuşoğlu 8-ci Aralıq dənizi Dialoq Forumunda iştirak etmək üçün İtaliyanın paytaxtı Romaya səfər edib. SİA bu barədə Türkiyə saytlarına istinad edir.
Mövlud Çavuşoğlu Romada keçiriləcək 8-ci Aralıq dənizi Dialoq Forumu çərçivəsində baş tutacaq “Xüsusi Dialoq” sessiyasında Türkiyenin regional və beynəlxalq məsələlərlə bağlı yürütdüyü xarici siyasətinə toxunacaq.
Mövlud Çavuşoğlunun səfər çərçivəsində forumda istirak edən ölkələrin XİN rəhbərləri və beynəlxalq təşkilatların nümayəndələri ilə görüşü nəzərdə tutulur.
Qeyd edək ki, Mövlud Çavuşoğlu Romada İtaliya baş nazirinin müavini və xarici işlər naziri Antonio Tajani ilə görüşüb.

Bu barədə Mövlud Çavuşoğlu rəsmi ''Twitter'' səhifəsində etdiyi paylaşımda bildirib.
“İtaliyanın xarici işlər naziri ilə Ukrayna və Liviyadakı vəziyyəti, eləcə də iqtisadi və müdafiə sənayesi sahəsində əməkdaşlığımızı müzakirə etdik”,-deyə paylaşımda vurğulanıb.
İki nazirin görüşü ilə bağlı diplomatik mənbələrdən əldə edilən məlumata görə, görüş təxminən yarım saat davam edib. Mövlud Çavuşoğlunun görüşdə Antonio Tajanini yeni vəzifəsi münasibətilə təbrik etdiyi bildirilib.
Nazir Mövlud Çavuşoğlu həmçinin İskiya adasında baş verən torpaq sürüşməsi nəticəsində həlak olanlar ilə əlaqədar başsağlığı verib və bu gün Yunanıstanda italiyalı diplomatları daşıyan avtomobilin yandırılması ilə bağlı yayılan xəbərlərə görə kədərləndiyini ifadə edib.
Tajani isə öz növbəsində İstanbulda imzalanan taxıl sazişi münasibəti ilə Türkiyəni təbrik edib.
Antonio Tajani 2023-cü ildə iki ölkə arasında işgüzar şura iclasının keçirilməsini də təklif edib.

Bütün xəbərlər Facebook səhifəmizdə