Ukrayna prezidenti Volodimir Zelenski Rusiya ordusuna qarşı yeni tədbirlər gördüklərini açıqlayıb.
SİA-nın əldə etdiyi məlumata görə, bu barədə Volodimir Zelenski rəsmi internet səhifəsində paylaşım edib. Ukrayna vətəndaşlarına müraciət edən Volodimir Zelenski cəbhədəki son vəziyyəti qiymətləndirib.
Zelenski təhlükəsizlik rəsmiləri ilə görüş keçirdiklərini və Ukraynadakı bütün cəbhə xəttlərində baş verənləri müzakirə etdiklərini bildirib.
“Biz işğalçıların niyyətlərini təhlil edirik və əks tədbirlər görürük”,-deyə Volodimir Zelenski qeyd edib.
Zelenski Rusiyanın həyata keçirdiyi son hücumlar zamanı hədəf aldığı enerji infrastrukturlarında davam edən təmir işlərinə baxmayaraq, bütün Ukraynada elektrik enerjisinin verilməsində problemin davam etdiyini bildirib.
“Ölkəmizin əksər regionlarında və paytaxt Kiyevdə 6 milyona yaxın abunəçi işıqsız qalıb'',-deyə Volodimir Zelenski qeyd edib.
Vladimir Zelenski həmçinin Almaniya hökumətinə Ukraynaya ''Patriot'' hava hücümündan müdafiə sistemini göndərməsi ilə əlaqədar çağırış edib.
Qeyd edək ki, Volodimir Zelenski "New York Times" qəzetinin təşkil etdiyi "DealBook" adlın sammitinə telekonfrans yolu ilə qatılaraq Rusiya-Ukrayna müharibəsini qiymətləndirib.
Ukrayna lideri müharibənin sona çatması üçün lazım olan şərtlərə toxunaraq deyib: "Müharibə biz qalib gələndə və ya Rusiya istədiyi zaman sona çatacaq. Rusiya bunu yalnız özünü zəif, təcrid olunmuş hiss etdiyi və bu işdə heç bir tərəfdaşı olmadığı zaman etmək istəyə bilər. Gəlin bunun yaxın bir neçə ay ərzində sona çatacağına inanaq''.
Bütün xəbərlər Facebook səhifəmizdə
.jpg)
USD
EUR
GBP
RUB
