İngiltərənin “Bornmut” futbol klubunun rusiyalı sahibi Maksim Demin onu satmaq üçün danışıqlar aparır.
SİA-nın rus saytlarından əldə etdiyi məlumata görə, bu barədə “Sky Sports” telekanalı xəbər yayıb.
Qeyd edək ki, Demin 2011-ci ildə klub prezidenti Eddi Mitçel ilə birlikdə "Bornmut"u alıb. İki il sonra Demin klubun yeganə sahibi, 2019-cu ildən - Bornmutun yeganə səhmdarı oldu.
Deyilən ehtimallara görə, rusiyalı futbol klubunu amerikalı iş adamı, Vegas Qolden Kniqhts NHL komandasının sahibi Bill Foleyə sata bilər.
Xatırladaq ki, ötən mövsüm "Bornmut" 2015-2020-ci illərdə çıxış etdiyi Premyer Liqanın yüksək divizionuna vəsiqə qazanıb. İngiltərə Premyer Liqasının cari çempionatında “Bornmut” altı oyundan sonra 7 xalla turnir cədvəlinin 13-cü pilləsində qərarlaşıb.
Yəqin xatırlamış olarsınız, bu ilin mayında rusiyalı digər milyarder Roman Abramoviç də sahibi olduğu “Çelsi” futbol klubu ilə yollarını ayıraraq, onu 4,25 milyard funt-sterlinqə satdı.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB