"Birinci hissədə biz yaxşı oynasaq da qol vura bilmədik. Daha sonra "Qarabağ" komandası çox yaxşı oynadı və 12 dəqiqədə bizə 3 qol vurdular". SİA xəbər verir ki, bunu Fransanın "Nant" komandasının baş məşqçisi Antuan Kambuare Bakıda "Qarabağ"a 0:3 hesabı ilə uduzduqları UEFA Avropa Liqasının qrup mərhələsinin II tur oyunundan sonra mətbuat konfransında deyib.
Baş məşqçi qeyd edib ki, futbolda hər zaman udan və uduzan tərəflər olur: "Biz Qarabağ komandasını orada gözləyəcəyik ki, qələbə əldə edə bilək. Bizim qrupda 6 oyunumuz var. Bakıda uduzsaq belə bundan sonraki oyunlarda qələbə qazanmağa çalışacayıq. Mən əvvəlcə də, qeyd etmişdim ki, "Qarabağ" komandası çox güclü komandadır. Onların təcrübəsi çoxdur. Mən məğlubiyyəti fikirləşsəm də, hesabın 3:0 bitəcəyini gözləmirdim. Bizim əsas məqsədimiz qol vurmaq idi. Qolu vura bilməyəndə biz artıq qol yedik. Həmçinin etiraf etmək lazımdır ki, biz müdafiədə yaxşı oyanamadıq".
Bütün xəbərlər Facebook səhifəmizdə
USD
EUR
GBP
RUB