Azərbaycan Kanoe və Avarçəkmə Federasiyası (AKAF) yeniyetmə və gənclərin avarçəkmə idman növündə inkişafına böyük diqqət ayırır. Təlim-məşq toplanışları və yerli turnirlərlə yanaşı, beynəlxalq arenalarda çıxışlar idmançılarımız üçün xüsusi təcrübədir. AKAF bu mənada yeniyetmə və gənc idmançıların müxtəlif beynəlxalq yarışlarda iştirakını təmin etməklə onların təcrübə toplaması üçün şərait yaradır. Belə turnirlərdən biri də Slovakiyanın paytaxtı Bratislavada keçirilib. AKAF-dan SİA-ya bildiriblər ki, avarçəkmənin kayak və kanoe növlərində yeniyetmələrin mübarizə apardığı “Olimpiya ümidləri” adı altında təşkil olunan yarışda iki idmançımız iştirak edib. Gülnarə Həmzəzadə 200 və 500 metr məsafəyə yürüşlərdə kanoedə, Maarif Qarayev isə 200 və 500 metr məsafəyə kayakda qüvvəsini sınayıb. Hər iki idmançımız üçün “Olimpiya ümidləri” yarışı gələcək inkişaf və perspektiv baxımından böyük təcrübə olub.
Qeyd edək ki, “Olimpiya ümidləri” turnirində 40 ölkədən avarçəkənlər iştirak ediblər.
Bütün xəbərlər Facebook səhifəmizdə
USD
EUR
GBP
RUB