İspaniyanın “Qranada” klubu heyətini iki yeni qapıçı ilə gücləndirib.
SİA Matç.az-a istinadən xəbər verir ki, La Liqa təmsilçisi portuqaliyalı Andre Ferreyra və ispaniyalı Raul Fernandesi transfer edib.
Bu barədə klubun rəsmi saytı məlumat yayıb. Hər iki qolkiperlə 2 illik müqavilə imzalanıb.
Andre Ferreyra Portuqaliyanın “Pasuş de Ferreyra” klubundan gəlib. O, daha öncə “Benfika”, “Leyksoeş”, “Aves” və “Santa Klara”da da oynayıb. 26 yaşlı qolkiper Portuqaliyanın U-18 yığmasında da forma geyinib.
Raul Fernandesin son klubu isə “Las Palmas” olub. 34 yaşlı qolkiper 2009/10 mövsümündə də “Qranada”da oynayıb. O, daha öncə “Levante”, “Mirandes”, “Valyadolid”, “Rasinq Santander”, “Numansiya”, “Atletik”, “Baskoniya” və “Konkense” kimi klublarda da çıxış edib.
Bütün xəbərlər Facebook səhifəmizdə
USD
EUR
GBP
RUB