Rus idmançı tamblinq üzrə birinci yeri tutub

Rusiyalı gimnast Varvara Doroxova tamblinq üzrə 30.200 xal toplayaraq 11-12 yaşlı idmançılar arasında Bakıda keçirilən Dünya Yaş Qrupları yarışlarının qalibi olub.

SİA xəbər verir ki, ikinci yeri onun həmyerlisi Liya Vəlieva (29.800 xal), üçüncü yeri isə Belçikalı Esmin Van Den Stin tutub (29.400 xal).

Qeyd edək ki, 25-28 noyabr tarixlərində keçiriləcək 28-ci Dünya Yaş Qrupları Yarışlarında 32 ölkədən 650 idmançı iştirak edir.

Gimnastlar həm batut, həm tamblinq, həm də ikili mini-batut üzrə yarışlarda 11-12, 13-14, 15-16 və 17-21 yaş kateqoriyasında yarışırlar.

Yarışda gimnastlar batut üzərində fərdi və sinxron tullanışlar, tamblinq və ikili mini-batut üzrə proqramlarda çıxış edirlər.

Yarışlarda Azərbaycanı 15 gimnast təmsil edir. Batut gimnastikasında Selcan Maqsudova, Maqsud Maqsudov, Ammar Baxşəliyev, İbrahim Mustafazadə, Mehdi Əliyev, Nicat Mirzyəyev, Əli Niftəliyev, Şəfiqə Hümbətova, Səma Cəfərova, tamblinq yarışlarında Tofiq Əliyev, Adil Hacızadə, Bilal Qurbanov, Hüseyn Əsədullayev, Aleksey Karataşov və Elnur Məmmədov iştirak edirlər.

Bütün xəbərlər Facebook səhifəmizdə

loading...