Bu gün Avro-2020-də 1/8 final mərhələsinə yekun vurulub.
SİA xəbər verir ki, 4-cü oyun günündə 2 matç keçirilib.
İngiltərə "Uembli"də Almaniya ilə üz-üzə gəlib. İngilislər 2:0 hesablı qələbə ilə 1/4 finala yüksəlib. Almaniya isə turnirlə vidalaşıb. Bununla da "ölüm qrupu" sayılan F qrupunun pley-offa yüksələn hər üç iştirakçısı - Fransa, Portuqaliya və Almaniya 1/4 finala çıxa bilməyərək yarışda mübarizəni dayandırıb.
Günün son matçında isə İsveç Ukrayna ilə qarşılaşıb. Matçın əsas vaxtı 1:1 hesabı ilə başa çatdığı üçün əlavə vaxta ehtiyac duyulub. Burada daha bir qol vuran Ukrayna növbəti mərhələyə yüksəlib. Komanda 1/4 finalda İngiltərə ilə üz-üzə gələcək.
Qeyd edək ki, 1/4 final mərhələsinin daha 3 görüşünün tərkibi belədir: İsveçrə - İspaniya, Belçika - İtaliya, Çexiya - Danimarka.
29 iyun
Avro-2020, 1/8 final mərhələsi
23:00. İsveç - Ukrayna - 1:2
Qollar: Zinçenko, 27 (0:1), Forsberq, 43 (1:1), Dovbik, 120+1 (1:2)
Qırmızı vərəqə: Danielson, 99 (İsveç)
Baş hakim: Daniele Orsato
Qlazqo. "Hempden Park" stadionu
20:00. İngiltərə - Almaniya - 2:0
Qollar: Sterlinq, 75, Keyn, 86
Baş hakim. Denni Makkeli (Niderland)
London. "Uembli" stadionu
28 iyun
Fransa - İsveçrə - 3:3 (Penaltilər - 4:5)
Xorvatiya - İspaniya - 3:5
27 iyun
Belçika - Portuqaliya - 1:0
Niderland - Çexiya - 0:2
26 iyun
İtaliya - Avstriya - 2:1
Uels - Danimarka - 0:4
Bütün xəbərlər Facebook səhifəmizdə
USD
EUR
GBP
RUB