Futbol üzrə İngiltərə Premyer Liqasında 35-ci tura yekun vurulub.
SİA xəbər verir ki, sonuncu oyun günündə bir qarşılaşma baş tutub.
Turun qapanış matçında “Bernli” səfərdə “Fulhem”lə qarşılaşıb. Qonaqlar bu oyunda inamlı qələbəyə seviniblər.
Fulhem isə bu məğlubiyyətdən sonra elitada qalmaq şansını itirib.
Hazırda 27 xalı olan “Fulhem” son üç turda qalib gəlsə belə, Premyer Liqada qalmağa imkan verən 17-ci pillədəki “Sauthempton”a (37 xal) çata bilməyəcək.
Beləliklə, London təmsilçisi İngiltərə futbolunun elitasına qayıtdıqdan sonra ilk mövsümündəcə Premyer Liqanı tərk edib. “Fulhem”dən öncə sonuncu yeri tutan “Şeffild Yunayted” və 19-cu sırada qərarlaşmış “Vest Bromviç” də elitanı tərk etmişdi. Bununla Premyer Liqa tarixində bir ilk də gerçəkləşib. Belə ki, bu mövsümə qədər heç vaxt sona üç tur qalmış elitanı tərk edən bütün komandaların adına aydınlıq gəlməmişdi.
İngiltərə Premyer Liqası
35-ci tur
10 may
Fulhem – Bernli 0:2
Qol: Vestvud, 35. Vud, 44.
7 may
Lester Siti – Nyukasl 2:4
Qol: Olbrayton, 80. İheanaço, 87 – Uillok, 22. Dammet, 34. Uilson, 65; 74.
8 may
Lids – Tottenhem 3:1
Qol: Dallas, 13. Bamford, 42. Rodriqo, 84 – Son, 25.
Şeffild Yunayted – Kristal Pelas 0:2
Qol: Benteke, 2. Eze, 88.
Mançester Siti – Çelsi 1:2
Qol: Sterlinq, 44 – Ziyeş, 63. Alonso, 90+2.
Liverpul – Sauthempton 2:0
Qol: Mane, 31. Alkantara, 90.
9 may
Vulverhempton – Brayton 2:1
Qol: A.Traore, 76. Gibbs-Uayt, 90 – Dank, 13.
Aston Villa – Mançester Yunayted 1:3
Qol: B.Traore, 24 – B.Fernandes, 52. Qrinvud, 56. Kavani, 87.
Vest Hem – Everton 0:1
Qol: Kalvert, 24.
Arsenal – Vest Bromviç 3:1
Qol: Smit, 29. Pepe, 35. Villian, 90 – M.Pereyra, 67.
Bütün xəbərlər Facebook səhifəmizdə
USD
EUR
GBP
RUB