“Liverpul” İngiltərə kubokunun 1/32 final mərhələsində “Aston Villa” ilə qarşılaşıb.
SİA xəbər verir ki, görüş “mersisaydlılar”ın 4:1 hesablı qələbəsi ilə başa çatıb.
Oyunda hesabı 4-cü dəqiqədə “qırmızılar”ın futbolçusu Sadio Mane açıb. 17 yaşlıLui Barri 41-ci dəqiqədə bərabərlik qolunu vurub. Jorjinyo Vaynaldum 60-cı dəqiqədə “Liverpul”u yenidən hesabda önə çıxarıb. Mane 63-cü dəqiqədə fərqi bir qədər də artırıb və dublunu rəsmiləşdirib. Məhəmməd Salah isə 65-ci dəqiqədə fərqlənməklə görüşün yekun hesabını müəyyənləşdirib.
Beləliklə, “Liverpul” böyükhesablı qələbə qazanaraq, İngiltərə kubokunun 1/16 final mərhələsinə vəsiqəni təmin edib.
Qeyd edəkki, "Aston Villa" klubunun 14 futbolçusunda koronavirus aşkarlandığından məşqçi heyəti əvəzedici heyətin və 18 yaşadək komandanın futbolçularının imkanlarından yararlanmalı olub.
Bütün xəbərlər Facebook səhifəmizdə
USD
EUR
GBP
RUB