Futbol üzrə Unibank Premyer
Liqasının sonuncu – 32-ci turu çərçivəsində növbəti oyunlar keçirilib.
SİA-nın verdiyi xəbərə görə, Şüvəlan qəsəbəsindəki "AZAL" stadionunda Bakının
AZAL klubu Ağdamın "Qarabağ" komandasını qəbul edib. Gərgin idman mübarizəsi
şəraitində keçən oyun AZAL-ın 3:1 hesablı qələbəsi ilə başa çatıb. Hakim
Fariz Yusifovun idarə etdiyi oyunda qolları AZAL-ın heyətində Mensur Limani,
Mirko Bunyevçeviç, Enya Krastovçev rəqib komandadan isə George Adamiya
vurublar.
Turun digər oyunu Tofiq Bəhramov adına Respublika stadionunda
"Neftçi" (Bakı) və "Xəzər-Lənkəran" komandaları arasında keçirilib.
Qarşılıqlı hücumlar şəraitində keçən oyun 1:1 hesabı ilə başa çatıb.
"Neftçi"nin heyətində Cavid İmamverdiyev, rəqib klubdan isə Julius Vobay
fərqləniblər.
Unibank Premyer Liqasının 29-cu turundan çempionluğu təmin
edən "Neftçi" turnir cədvəlində 67 xalla birinci olub.
Oyun başa
çatdıqdan sonra Peşəkar Futbol Liqasının prezidenti Ramin Musayev "Neftçi"nin
kapitanı Rail Məlikova çempionluq kubokunu təqdim edib.
Altıncı dəfə
ölkə çempionu olan "Neftçi"nin qalibiyyəti münasibətilə atəşfəşanlıq olub.
Bütün xəbərlər Facebook səhifəmizdə
USD
EUR
GBP
RUB