“Qarabağ”ın israilli rəqibi 3 cavabsız qolla qalib gəlib

Futbol üzrə İsrail çempionatında 8-ci turun oyunları keçirilib.

SİA xəbər verir ki, Avropa Liqasının qrup mərhələsində Azərbaycan çempionu “Qarabağ”ın rəqiblərindən olan “Makkabi” (Təl-Əviv) də növbəti matçına çıxıb.

Sözügedən komanda doğma meydanda “Hapoel” (Kfar Saba) ilə qarşılaşıb. “Qarabağ”ın rəqibi bu oyundan qələbə ilə ayrılıb - 3:0.

Ardıcıl üçüncü qələbəsini qazanan “Makkabi” bu nəticədən sonra 12 xalla 14 kollektiv arasında 5-ci pillədə qərarlaşıb.

Xatırladaq ki, "Qarabağ" Avroliqanın qrup mərhələsinin ilk turunda səfərdə məhz “Makkabi” ilə qarşılaşıb və 0:1 hesabıyla məğlub olub. Bu komandalar arasındakı ikinci görüş dekabrın 3-də baş tutacaq.

Bütün xəbərlər Facebook səhifəmizdə

loading...