"Neftçi" və "Zirə" komandaları üz-üzə gələcək

Bu gün futbol üzrə Azərbaycan Premyer Liqasında XI tura start veriləcək. SİA xəbər verir ki, ilk oyun günündə bir qarşılaşma keçiriləcək.

Günün yeganə matçı "Bakcell Arena"da "Neftçi" və "Zirə" komandaları arasında olacaq. Samir Abbasovun baş məşqçi postuna gəlişindən sonra səfərdə "Qəbələ"ni 4:1 hesabı ilə məğlub edən "ağ-qaralar" 17 xalla turnir cədvəlinin 3-cü pilləsində qərarlaşıb. Rəqibindən 1 xal çox toplayan "qartallar" isə ikinci sırada yer alıblar.

Bu günə nəzərdə tutulan "Sumqayıt" - "Qəbələ" matçı isə qonaq komandanın heyətində koronavirusa kütləvi yoluxma qeydə alındığı üçün təxirə salınıb.

Müəllif: Şiraslan Vəliyev

Bütün xəbərlər Facebook səhifəmizdə