İngiltərənin "Liverpul" futbol klubu tarixinin 10000-ci qolunu vurub

İngiltərənin "Liverpul" futbol klubu ötən UEFA Çempionlar Liqasının qrup mərəhələsi çərçivəsində Danimarkanın "Midtyuland" klubu ilə qarşılaşmada tarixinin 10 000-ci qolunu vurub.

SİA-nın "sports.ru" saytına istinadən verdiyi məlumata görə, bu barədə futbol klubunun rəsmi "Twitter" səhifəsində deyilir.

Məlumata əsasən, klubun tarixinin 10 000-ci qolunun müəllifi portuqaliyalı futbolçu Dioqu Jota olub. Bildirilir ki, 10 000-ci qol klubun 5 753-cü oyununda vurulub.

Qeyd edək ki, ötən gün keçirilən oyunda "Liverpul" rəqibi üzərində 2:1 hesablı qələbə qazanıb. Qrup mərhələsinin növbəti oyununda "Liverpul" İtaliyanın "Atalanta" klubunun qonağı olacaq.

Bütün xəbərlər Facebook səhifəmizdə

loading...