“Atletiko” səfərdə qalib gəlib, "Real" və "Barselona"dan məğlubiyyət

İspaniya La Liqasında VI tura start verilib.

SİA xəbər verir ki, ilk olaraq əndəlüs derbisi baş tutub.

“Sevilya” ötən mövsümün sürpriz komandalarından “Qranada”nın qonağı olub. Son dəqiqələrdə vurulan qol meydan sahiblərinə sürpriz qələbə qazandırıb. “Sevilya” isə ilk məğlubiyyətini alıb.

Madrid təmsilçilərindən “Atletiko” səfər, “Real” isə ev oyununa çıxıb. “Selta”nın qonağı olan “Atletiko” 2 cavabsız qolla qalib gəlib.

Debütant “Kadis”i qəbul edən son çempion “Real” həmşəhərlisindən fərqli olaraq, gözlənilməz məğlubiyyətlə üzləşib.

“Barselona” isə səfərdə “Xetafe” sınağına çıxıb. Kataloniya klubu da əzəli rəqibi kimi, meydanı məğlub tərk edib.

Turun qalan oyunları oktyabrın 18-də keçiriləcək.

İspaniya La Liqası
VI tur
17 oktyabr
“Qranada” – “Sevilya” – 1:0
Yangel Errera, 82
“Selta” – “Atletiko” – 0:2
Luis Suares, 6, Karrasko, 90+5
“Real” – “Kadis” – 0:1
Lozano, 16
“Xetafe” – “Barselona” – 1:0
Mata, 56 (pen.)

Bütün xəbərlər Facebook səhifəmizdə

loading...