“Latsio”nun futbolçusu Çiro İmmobile İtaliya A seriyasının XXXVIII turunun “Napoli” ilə oyununda (1:3) fərqlənərək mövsümdə 36-cı qolunu vurub.
SİA xəbər verir ki, 30 yaşlı italiyalı bununla da A seriyasının rekordunu təkrarlayıb.
Bunadək yalnız Qonzalo İquayn 36 qol vurub. Argentinalı 2015/16 mövsümündə “Napoli”nin heyətində bunu bacarıb.
İmmobile A seriyasının tarixinə düşməklə yanaşı, Avropa çempionatlarının ən məhsuldar futbolçusuna verilən “Qızıl buts”a yiyələnib. 36 qol vuran forvard 72 xalla ən yaxın izləyiciləri Robert Levandovski (“Bavariya”, 34 qol, 68 xal) və Kriştiano Ronaldonu (“Yuventus”, 31 qol, 62 xal) arxada qoyub.
Bütün xəbərlər Facebook səhifəmizdə
.jpg)
USD
EUR
GBP
RUB