Bu gün ulu öndər Heydər Əliyevin anadan olmasının 88-ci ildönümünə həsr olunmuş media nümayəndələri arasında voleybol turnirinin finalçıları məlum olub. Siasport.az saytı xəbər verir ki, "Səs", "İki Sahil" və "Yeni Azərbaycan" qəzetlərinin təşkilatçılığı, "Azərfon" MMC-nin maliyyə dəstəyi ilə keçirilən yarışın yarımfinal mərhələsində ilk olaraq SİA və Səs TV-nin birləşmiş komandası ilə "Mövqe" qəzetinin komandası qarşılaşıb. Gərgin keçən oyunda SİA və Səs TV-nin birləşmiş komandası 2:1 hesabı ilə qələbə qazanıb və finala çıxıb.
Daha sonra isə AzərTAc və "Xalq qəzeti"nin komandları üz-üzə gəliblər.
Bu oyundan isə 2:0 hesabı ilə AzərTAc qalib ayrılıb. Bu isə o deməkdir ki, finalda SİA və Səs TV-nin birləşmiş komandası ilə AzərTAc mübarizə aparacaq.
Final
SİA+Səs TV – AzərTAc
III yer uğrunda görüş
"Mövqe" – "Xalq qəzeti"
Final oyunlarının keçirilmə vaxtı barədə təşkilatçılar məlumat verəcəklər.
Bütün xəbərlər Facebook səhifəmizdə
USD
EUR
GBP
RUB