Bu gün AFFA-nın növbədənkənar konfransı ilə yanaşı İcraiyyə Komitəsinin növbəti iclası da keçirilib. SİA-nın məlumatına görə, öncəki iclasın gündəliyində 2 məsələ yer alıb. Toplantı iştirakçıları AFFA-nın Nizamnaməsinə əlavə və dəyişikliklərlə bağlı təkliflərə baxıb, eləcə də digər məsələləri müzakirə ediblər. Konfransda 35 nümayəndədən 33-ü iştirak edib. Yeni Nizamnamə yekdilliklə qəbul olunub.
AFFA-nın baş katibi Elxan Məmmədov bildirib ki, Nizamnamədə əlavə və dəyişikliklərin yer aldığı yeni versiya AFFA üzvlərinə 4 gün əvvəl göndərilib.
Təklif olunan əsas müddəalar:
1. AFFA-nın idarəetmə orqanlarının müvafiq anlayışlarının verilməsi
2. Hüquq tətbiqedici orqan anlayışının daxil edilməsi
3. Müvafiq müddətlərin müəyyənləşməsi
4. AFFA-nın İcraiyyə Komitəsinin tərkibində dəyişiklik və üzvlərinin sayının artırılması
5. İcraçı vitse-prezident vəzifəsi təsis edilməklə vitse-prezidentlərin sayının 4 olaraq müəyyənləşdirilməsi
6. Prezident və icraçı vitse-prezidentlərin səlahiyyətlərinin həcminin müəyyənləşdirilməsi
7. Birdən artıq sayda kluba nəzarət qaydasının tam olaraq UEFA-nın Nizamnaməsinə uyğunlaşdırılması
8. Digər dəyişikliklər
Daha sonra AFFA İcraiyyə Komitəsinin üzvü, təhsil nazirinin müavini Firudin Qurbanov təkliflərlə bağlı məsələlər qaldırıb və ona fikirlər bildirilib. Yeni Nizamnamə yekdilliklə qəbul olunub.
AFFA prezidenti Rövnəq Abdullayev 10 ildir Nizamnamədə dəyişikliklərin edilmədiyini bildirərək, yeni Nizamnamənin FİFA və UEFA tələblərinə uyğunlaşdırıldığını deyib.
Bununla da Konfrans işini başa vurub.
Daha sonra AFFA İcraiyyə Komitəsinin iclası başlayıb.
Qeyd edək ki, növbədənkənar Konfransın çağırılması barədə qərar AFFA İcraiyyə Komitəsinin 2019-cu il dekabrın 13-də keçirilmiş iclasında qəbul olunub.
AFFA-nın prezidenti Rövnəq Abdullayev 10 ildir Nizamnamədə dəyişikliklərin edilmədiyini bildirərək, yeni Nizamnamənin FIFA və UEFA-nın tələblərinə uyğunlaşdırıldığını bildirib.
Daha sonra AFFA İcraiyyə Komitəsinin iclası keçirilib. İclasda aşağıdakı qərarlar qəbul olunub:
- 2020-ci il yanvarın 28-də AFFA-nın növbəti Konfransı keçirilsin
- Azərbaycan milli komandasının baş məşqçisi vəzifəsinə namizədlər müəyyənləşdirilərək 2020-ci il yanvarın 28-də keçiriləcək AFFA-nın növbəti Konfransından sonra İcraiyyə Komitəsinin ilk iclasında təqdim olunsun.
Bütün xəbərlər Facebook səhifəmizdə
USD
EUR
GBP
RUB