İtaliya A seriyasında XIII tura yekun vurulub

26 Noyabr 2019 07:19 | 3 020

İtaliya A seriyasında XIII tura yekun vurulub.

SİA xəbər verir ki, yağış səbəbindən bir gün əvvəl təxirə salınan oyunda “Leççe” “Kalyari”ni qəbul edib. Görüş 2:2 hesabı ilə başa çatıb.

Matçın 83-cü dəqiqəsində qalmaqal yaşanıb. Hesabda 2:0 öndə olan qonaqların futbolçusu əllə oyuna görə meydandan qovulub. “Leççe” penaltidən dəqiq istifadə edib. Qoldan sonra topu götürmək istəyən hücumçu Canluka Lapadula ilə qapıçı Robin Olsen arasında münaqişə yaşanıb. Futbolçular kəllə-kəlləyə gəliblər. Hakim bu futbolçuları da meydandan qovub. 19 nəfərlə davam edən görüşdə daha bir qol vuran “Leççe” məğlubiyyətdən qaçıb.

Bu qarşılaşma həm də rəqib azarkeşlər arasında nümunəvi münasibətlərin təcəssümü olub. Oyun təxirə salındığından qalmağa yeri olmayan “Kalyari” azarkeşlərini “Leççe” fanatları qonaq saxlayıblar.

Digər qarşılaşmada isə autsayderlər qrupunda yer alan “Spal”la “Cenoa” üz-üzə gəlib. Bu oyunda da qalib müəyyənləşməyib. Üç dəqiqə ərzində hərəyə bir qol vuran rəqiblər sülhlə ayrılıblar.

Qeyd edək ki, növbəti tur noyabrın 30-da start götürəcək.

İtaliya A seriyası
XIII tur
25 noyabr
18:00. “Leççe” – “Kalyari” - 2:2
Lapadula, 83 (pen.), Kalderoni, 90 – Pedro, 30 (pen.), Naynqolan, 67
23:45. “Spal” – “Cenoa” – 1:1
Patanya, 55 (pen.) – Sturaro, 57

1.	Yuventus	13	11	2	0	23:10	35
2.	İnter	13	11	1	1	29:12	34
3.	Latsio	13	8	3	2	30:14	27
4.	Kalyari	13	7	4	2	25:14	25
5.	Roma	13	7	4	2	23:14	25
6.	Atalanta	13	6	4	3	31:21	22
7.	Napoli	13	5	5	3	22:16	20
8.	Parma	13	5	3	5	20:17	18
9.	Verona	13	5	3	5	11:11	18
10.	Fiorentina	13	4	4	5	18:20	16
11.	Torino	13	4	2	7	15:20	14
12.	Milan	13	4	2	7	12:17	14
13.	Udineze	13	4	2	7	9:20	14
14.	Sassuolo	12	4	1	7	22:23	13
15.	Bolonya	13	3	4	6	18:22	13
16.	Sampdoriya	13	3	3	7	9:20	12
17.	Leççe	12	2	5	5	15:23	11
18.	Cenoa	13	2	4	7	15:27	10
19.	Spal	13	2	3	8	8:19	9
20.	Breşia	12	2	1	9	10:23	7