.jpg)
Birləşmiş Ərəb Əmirliklərinin paytaxtı Əbu-Dabidə cüdo üzrə “Böyük dəbilqə” turniri davam edir.
SİA-nın məlumatına görə, yarışın ikinci günündə cüdoçumuz Rüstəm Orucov (73 kq) Salvador Roka (İspaniya) və Mikloş Unqvarini (Macarıstan) məğlub etsə də, Xixmatillox Turayevin (Özbəkistan) öhdəsindən gələ bilməyib. Təsəlliverici görüşdə Tsend-Oçir Tsoqtbaatariyə (Monqolustan) qalib gələn idmançımız bürünc medal uğrunda görüşə vəsiqə qazanıb. Üçüncü yer uğrunda görüşdə onun rəqibi almaniyalı İqor Vandtke olacaq.
Azərbaycan komandasının aktivində 1 medal var. Cüdoçumuz Orxan Səfərov (66 kq) “Böyük dəbilqə”nin gümüş medalını qazanıb.
Yüzədək ölkədən 500-dən çox idmançının mübarizə apardığı turnirə Azərbaycan 10 kişi, 5 qadın cüdoçu ilə qatılıb.
“Böyük dəbilqə” turnirinə oktyabrın 26-da yekun vurulacaq.
Bütün xəbərlər Facebook səhifəmizdə
USD
EUR
GBP
RUB