Fevralın 24-də Avropa Liqasınında 1/16 final mərhələsinin cavab görüşləri keçirilib. SİA-nın məlumatına görə, artıq bu mərhələnin 2 cavab görüşü başa çatıb.
Səfərdə minimal hesablı qələbə qazanan Moskva ÇSKA-sı Yunanıstanın PAOK klubunu qəbul edib. Qapıçının səhvi nəticəsində hesabda geri düşən ruslar oyunda bərabərlik qolunu vurmağa nail olublar. Bununla da, növbəti mərhələyə vəsiqəni təmin edən ÇSKA ilk 1/8 finalçı olub.
Dünən öz meydanında "Sevilya"nı qəbul edən "Porto" isə məğlubiyyətə uğrayıb. Yeganə topu 71-ci dəqiqədə Luiş Fabiano vurub. Hər iki komanda oyunu 10 futbolçu ilə başa vurub. "Portu"dan Alvaro Perreyra birbaşa, "Sevilya"dan isə Aleksis ikinci sarı vərəqə ilə meydançadan qovulub.
Məğlubiyyətə baxmayaraq, "Portu" 1/8 finala vəsiqə qazanıb. Buna Portuqaliya təmsilçisinin İspaniyadakı ilk görüşdə qələbə qazanması səbəb olub - 2:1. İki oyunun cəmində hesab bərabərləşsə də, məhz səfərdə daha çox qol vurduğu üçün "Portu" mərhələ adlayıb.
1/8 finalda "Portu" Rusiyanın MOİK komandası ilə üz-üzə gələcək. Qeyd edək ki, Avroliqanın 1/8 final mərhələsinin ilk oyunları martın 10-da, cavab görüşləri isə ayın 17-də keçiriləcək.
Bu gün axşam isə daha 14 qarşılaşma keçiriləcək. Türkiyənin yeganə təmsilçisi olan "Beşiktaş"ın ilk oyunu uğursuz alınıb. Öz meydanında Kiyev "Dinamo"suna 1:4 hesabı ilə məğlub olan "Beşiktaş"ın növbəti mərhələ şansı yalnız möcüzəyə qalıb. İstanbul təmsilçisinin bu görüşdə möcüzə edə biləcəyi isə heç də inandırıcı görünmür.
Bütün xəbərlər Facebook səhifəmizdə
USD
EUR
GBP
RUB
