“Yuventus”un hücumçusu Kriştiano Ronaldo Portuqaliyanın TVI telekanalına geniş müsahibə verib. Qol.az-ın məlumatına görə, müsahibədə Ronaldo bir sıra maraqlı məqamlara toxunub. O, bir qadını zorlaması iddialarına da toxunub.
- Hazırda özümü maddi planda sakit hiss edirəm. Mənə cəlbedici layihələr lazımdır. “Yuventus” onlardan biridir. Bu komanda həmişə xoşuma gəlib. İtaliyanın bir nömrəli, dünyanın ən yaxşı komandalarından biridir.
Gələcək karyerası haqda
- Futbolu gələn il də, 40-41 yaşımda da bitirə bilərəm. Həmişə deyirəm ki, indiki anla yaşamaq lazımdır. Bu an isə əladır. Buna sevinməliyəm. Hesab edirəm ki, heç bir futbolçunun mənim qədər rekordu yoxdur.
“Pul heç kimi böyük komanda etmir. Baxın, “Barselona”ya...”
- Çempionlar Liqası başlıca vəzifədir, amma onu almaq mümkün deyil. Hamı bu turniri udmaq istəyir. Amma bu, yalnız sözdən ibarət olmamalıdır. Hədəfinə çatmaq üçün eyni ruhla addım-addım irəliləməlisən. Biz başa düşməliyik ki, pul heç kimi böyük komanda etmir. Baxın, görün neçə ildir, “Barselona”, “Bavariya” və PSJ ÇL-i uda bilmir..
Futbol daha onun həyatı deyil
- Vaxt vardı düşünürdüm ki, futbol mənim həyatımdır. O zaman əgər uduzurdumsa, yemək yeməyə bilərdim. Otağıma qapanır və oradan yalnız ertəsi günü çıxırdım. Böyüdükcə isə başa düşdüm ki, əsl həyat futbolda deyil. Əlbəttə, siz futbola köklənməlisiniz. Çünki bu, sizin həyatınızdır. Amma uzaqlaşmaq da lazımdır. Corciana (həyat yoldaşını nəzərdə tutur – red.) futbol barədə heç nə bilmir. Mən də bundan razıyam. O, sadəcə, mənim kimi düşünür, qərarlarımı dəstəkləyir. Məsələn, Turinə gəlməyimə müsbət yanaşdı.
“Real”dan getmək haqda
- Bu haqda çox düşündüm. Ən çox da oğluma görə. Asan deyildi. Madriddə 9 il yaşadım. Bu, mənim karyeramın 60 faizi deməkdir. 17 titul uddum. Mən digər çağırışlar gözləyirdim. Oğlum Kriştianitoya Madriddən getmək çətin idi. Çünki onun orda çoxlu dostu var. Amma mən onu neçə ay buna hazırladım. O, başa düşürdü ki, atası “Real”dan gedə bilər. Düzdür, buna inanmaq istəmirdi, amma bunun baş verə biləcəyini gözləyirdi. Mən elə insanam ki, konfortlu zonada qala bilmirəm. Madrid yaxşı yer idi. Amma mən yeni çağırışlar istəyirdim. Turinə uyğunlaşma yaxşı keçdi. İndi oğlum dörd dildə məndən yaxşı danışır.
“Yaxşı nümunələri mənimsəyib təkrarlamağı xoşlayıram”
- Mən artıq futbol tarixindəyəm. Təsadüfi deyil ki, Messi ilə birgə yeganə futbolçularıq ki, beş dəfə “Qızıl top”da birinci olmuşuq. Uğur qazanmaq mənim işimdir. Yenisi olsa, bununla dünya dağılmayacaq. Mənim həm fərdi, həm də komanda şəklində motivasiyam çox yüksəkdir. Əks halda karyeramı çoxdan başa vurmuşdum. Başqa idmançılardan öyrənməyi xoşlayıram. Məsələn, Obikvelu... (portuqaliyalı yüngül atlet Frensis Obikvelu. Ronaldo bu yay onunla məşq edib – red.). Yaxşı nümunələri mənimsəyib təkrarlamağı xoşlayıram.
Zorlama iddiaları haqda
- Bu, mənim həyatımda peşəkar futboldan kənar ağır il oldu. Bəlkə də ən ağır il. Əgər insanlar sənin ləyaqətinə şübhə edirlərsə, bu, ağrılıdır. Xüsusən əgər ailəli və dörd övlad atasısansa. Mənim doqquz yaşlı oğlum ağıllıdır. Hər şeyi başa düşür. O, bu haqda yazıları qəzetlərdən oxuyurdu. Bütün ailəm bu ağır mərhələdən keçdi. Bu, mənim danışmağı uyğun bilmədiyim bir mövzudur. Çox yaxşı ki, bu məsələdə günahsızlığım sübut olundu. Mənim dostlarım, yaxınlarım, məni sevənlər bilirdilər ki, təqsirim yoxdur. Onlarla fəxr edirəm.
Müasir həyat haqda
- Bu haqda çox düşünməməyə çalışıram. Sosial şəbəkələri, interneti, mobil telefonları, kompüter oyunları olan bu dünya mənim çox xoşuma gəlmir. Amma bir ata olaraq, buna uyğunlaşıram.
Özünə maddi qiymət qoydu: 300-400 milyon
- Transfer qiymətimi demək çətindir. Bu gün çox futbolçunun qiyməti 100 milyondur. Joau Feliks “Benfidan” “Atletiko”ya 126 milyona keçib) xüsusi haldır. Amma əgər siz 75 milyona satılan müdafiəçiləri görsəniz... İndi bazar belədir. Yəqin ki, mən onlardan 3-4 dəfə bahayam.
Tərcümə etdi: AZAD NURİYEV
Bütün xəbərlər Facebook səhifəmizdə
Digər xəbərlər
Xəbər lenti
COP29 qarşıdurma arenası olmayacaq - PREZİDENT
Siyasət 15:35Energetika naziri Biləsuvarda vətəndaşları qəbul edib - FOTO
İqtisadiyyat 15:34Azərbaycan manatının dövretmə sürəti cüzi artıb
İqtisadiyyat 15:29"Dərinsulu Günəşli" platformasından hasilat müvəqqəti dayandırılıb
İqtisadiyyat 15:23"Yaşıl iqtisadiyyat, rəqəmsal Azərbaycan"
Təhsil 15:18Parlamentlərin savaşı - RAKURS
Siyasət 15:10Prezident Almaniyaya təşəkkürünü bildirib
Siyasət 15:02Avropanın süqutu - ANALİTİK
Siyasət 14:48Olaf Şolts İlham Əliyevə təşəkkür edib
Siyasət 14:44Yasamalda kafedə nöqsanlar aşkarlanıb - FOTOLAR
Hadisə 14:33“Dünya bu vəziyyətdən də çıxacaq” - ŞƏRH OLUNDU
Siyasət 14:19Bakıda körpə pəncərədən düşərək ölüb
Hadisə 14:19İlham Əliyevin Şoltsla görüşü BAŞLADI
Siyasət 14:04AFFA "Qarabağ" klubunu cərimələyib
İdman 14:02Azərbaycan manatının real effektiv məzənnəsi azalıb
İqtisadiyyat 14:01VI Ümumdünya Mədəniyyətlərarası Dialoq Forumunun proqramı açıqlanıb
Mədəniyyət 13:56Şənbə günü 32 dərəcə isti olacaq
Hadisə 12:51Azərbaycan qlobal layihələrə liderlik edir
Siyasət 12:46Məmurların may ayı üçün qəbul CƏDVƏLİ
Sosial 12:33Qəbul imtahanları üçün ən çox bu qrupa sənəd verilib
Təhsil 12:24Model tələbə dəm qazının qurbanı oldu
Hadisə 12:2312 yeni etalon laboratoriyası yaradılacaq - FOTOLAR
İqtisadiyyat 12:07“Sahibkarlar Günü”nə həsr olunmuş konfrans keçirilib - FOTOLAR
İqtisadiyyat 12:00Şirvanda narkotikə görə 6 nəfər həbs edilib - FOTO
Hadisə 11:57FHN Lənkəranda təlim keçirib - FOTOLAR
Hadisə 11:42Dr.Kənan Əsədov kursda iştirak edib
Səhiyyə 11:34Kapital Bank ilk işgüzar səfərdə iştirak etdi
İqtisadiyyat 11:20Əməkdaşlığımız möhkəmlənir
Siyasət 11:10Füzulidə 3 otaqlı ev yanıb
Hadisə 11:05Özəl xəbərlər
Digər xəbərlərRedaktorun seçimi
Köşə yazıları
Populyar
Valyuta məzənnəsi
- USD 1,7000 0,00%
- EUR 1,8227 +0,12%
- GBP 2,1249 +0,26%
- RUB 0,0185 +0,54%