Avqustun 9-da İngiltərə Premyer Liqasının 2019-2020-ci il mövsmünə start verilib. SİA-nın məlumatına görə, I turun ilk oyun günündə bir qarşılaşma keçirilib.
Son mövsümün vitse-çempionu “Liverpul” yenidən yüksək dəstəyə qayıdan “Norviç”i sınağa çəkib. Matçın taleyini ilk yarıda həll edən Yurgen Kloppun yetirmələri 4 qol vurublar. Qonaqlar fasilədən sonra bunlardan yalnız birinin əvəzini çıxıblar və darmadağından qaça bilməyiblər.
Görüş "mersessayd"lıların böyük hesablı qələbəsi ilə başa çatıb - 4:1.
“Liverpul” klubunun heyətində Qrant Hanley (avtoqol - 7), Məhəmməd Salah (19), Virjil van Deyk (28) və Divok Oriqi (42) fərqləniblər. Qonağların heyətində təsəlli qoluna 64-cü dəqiqədə Tim Pukki imza atıb.
Qeyd edək ki, İngiltərə Premyer Liqasının qalan oyunları avqustun 10 -11-də keçiriləcək.
Bütün xəbərlər Facebook səhifəmizdə
USD
EUR
GBP
RUB