“Çelsi” klubunun hücumçusu Oliviye Jiru UEFA Avropa Liqasının Bakıda təşkil olunan final oyununda fərqlənib.
SİA xəbər verir ki, fransalı futbolçu “Arsenal”a qarşı keçirilən görüşün 49-cu dəqiqəsində rəqib qapısına yol tapıb və bu, onun cari mövsümdə Avropa kuboklarında 11-ci qolu olub. Bu göstərici ilə O.Jiru bir avrokubok mövsümündə ən çox qol vuran fransız futbolçu adını qazanıb.
Əvvəllər rekord Jyust Fontenə məxsus olub. Belə ki, “Reyms” klubunun futbolçusu 1958-1959-cu il mövsümündə 10 qol vurub.
Qeyd edək ki, Bakıda təşkil olunan görüşdə “Çelsi” komandası “Arsenal”ı 4:1 hesabı ilə məğlub edərək UEFA Avropa Liqasında 2018-2019-cu il mövsümünün qalibi olub.
Bütün xəbərlər Facebook səhifəmizdə
USD
EUR
GBP
RUB