Rumıniyanın paytaxtı Buxarestdə keçirilən güləş üzrə Avropa çempionatına yekun vurulub. SİA-nın məlumatına görə, qitə birinciliyində bir gümüş və iki bürünc medal qazanan yunan-Roma güləşi üzrə yığmamız 76 xal toplayaraq, komanda hesabında 3-cü yeri tutub. Rusiya (192) birinci, Türkiyə (132) isə ikinci olub.
Qeyd edək ki, millimizə ən çox xalı finala kimi irəliləyən İslam Abbasov qazandırıb. O, Avropa ikinciliyinə görə komandamızın hesabına 20 xal yazdırıb. Bürünc medalçılar - Eldəniz Əzizli və Taleh Məmmədovdan hərəyə 15 xal gəlibsə, medal görüşündən məğlub ayrılan Orxan Nuriyev 10 xal əldə edib. Yığmamıza digər xalları Sabah Şəriəti (8), Murad Məmmədov (6) və debütant Ülvi Qənizadə qazandırıb.
Bütün xəbərlər Facebook səhifəmizdə
USD
EUR
GBP
RUB