Futzal üzrə Avropa çempionatının əsas seçmə mərhələsində Azərbaycan milli komandası ilə eyni qrupda mübarizə aparacaq son komanda müəyyənləşib. Siasport.az saytı xəbər verir ki, 2010-cu il sentyabrın 29-da İsveçrənin Nyon şəhərində keçirilmiş püşkatma mərasimində millimizin İspaniya, Qazaxıstan yığmaları və ilkin seçmə mərhələnin D qrupunda birinci yeri tutacaq komanda ilə qarşılaşacağı bəlli olmuşdu. Artıq ilkin seçmə mərhələnin D qrupunun oyunları yekunlaşıb və bütün rəqiblərini məğlub edən Fransa yığması əsas seçmə mərhələdə çıxış etmək hüququ qazanıb.
Beləliklə, futzal üzrə Avropa çempionatının əsas seçmə mərhələsinin fevralın 24-dən 27-dək Bakıda keçiriləcək 1-ci qrupunun oyunlarında Azərbaycan, İspaniya, Qazaxıstan və Fransa milli komandaları mübarizə aparacaq.
Bütün xəbərlər Facebook səhifəmizdə
USD
EUR
GBP
RUB