“Bəzən şahmatçı oyuna yaxşı hazırlaşsa da, rəqibin bir gedişi onu heç-heçəyə razılaşmağa vadar edir”. Bunu “ShamkirChess 2019” superturnirinin ikinci turunda milli komandamızın üzvü Şəhriyar Məmmədyarovla qarşılaşmada heç-heçə edən yığmamızın digər şahmatçısı Teymur Rəcəbov mətbuat konfransında oyunun nəticəsini şərh edərkən deyib.
Dünya çempionatlarında da sürətli heç-heçələrin qeydə alındığını bildirən şahmatçı bunun normal hal olduğunu söyləyib: “Bütün oyunlarda ardıcıl heç-heçə qeydə alınsa, hansısa problemin olduğunu düşünmək mümkündür. Ancaq belə turnirlərdə sürətli heç-heçənin olmasında qeyri-adi heç nə yoxdur”.
T.Rəcəbov digər ölkələrdən olan zəka sahibləri və milli komandamızın üzvləri ilə qarşılaşan zaman eyni hisslər keçirmədiklərini bildirib: “Bizim Şəhriyarla yaxşı münasibətimiz var. Bir-birimizlə məsləhətləşib, müzakirələr edirik. Milli komandada oynayan zaman hamımız bir-birimizi nəzərə alıb mübarizə aparırıq. Udsaq da, uduzsaq da bir-birimizin yanında oluruq. Bu da ölkəmizə çoxlu uğurlar gətirməyimizə səbəb olur”.
O, klublararası Avropa çempionatına getməyə həvəsinin olmadığını, bu yarışda iki dəfə qalib gəldikləini vurğulayıb.
Bütün xəbərlər Facebook səhifəmizdə
USD
EUR
GBP
RUB