UEFA “Real”ın kapitanı Serxio Ramosa cəza verə bilər. Qurumun rəsmi saytında yer alan məlumata görə, buna səbəb 32 yaşlı müdafiəçinin Çempionlar Liqasının 1/8 final mərhələsinin “Ayaks”la ilk oyununda (2:1) bilərəkdən sarı vərəqə alması olub. O, 89-cu dəqiqədə gördüyü sarı vərəqə ilə cəzalı duruma düşərək cavab oyununu buraxıb. Hazırda davam edən araşdırmanın nəticəsi sabah – 28 fevralda açıqlanacaq. İspaniya millisinin üzvünün əlavə bir oyunluq cəza alacağı gözlənilir. Qeyd edək ki, 2017-ci ildə “Real”ın “Apoel”i 6:0 məğlub etdiyi oyunda Madrid təmsilçisinin üzvü Dani Karvaxal bilərəkdən sarı vərəqə aldığı üçün əlavə bir oyun cəza almışdı.
Bütün xəbərlər Facebook səhifəmizdə
USD
EUR
GBP
RUB