Futtenis üzrə Azərbaycan Super Liqası fevralın 9-da start götürəcək. Azərbaycan Futnet Federasiyasının mətbuat xidmətindən SİA-ya verilən məlumata görə, çempionatda 4 qrup üzrə 12 komanda mübarizə aparacaq. Hər qrupdan ilk 2 yeri tutan kollektivlər 1/4 final mərhələsinə vəsiqə qazanacaq.
Artıq Super Liqanın püşkatma mərasimi də keçirilib. Püşkatmanın nəticələri aşağıdakı kimidir:
I qrup: "Gənclərbirliyi", "Ege Hospital", "VİP"
II qrup: "Şuşa-Qarabağ", "Marafon", "Asta"
III qrup: "Yanq Boyz", "Həmkar", "Lion"
IV qrup: "Alov", "Atletiko", "Meqa"
Çempionat iki günü əhatə edəcək. Açılış mərasimi və qrup oyunları fevral ayının 9-da, 1/4 final, yarımfinal və final qarşılaşmaları isə bir gün sonra - ayın 10-da baş tutacaq. Ardından təltifetmə və bağlanış mərasimi keçiriləcək.
I, II, III və IV qrupun oyunları müvafiq olaraq saat 11:00, 12:00, 13:00 və 14:00-da start götürəcək.
Super Liqa Marafon İdman Kompleksində keçiriləcək. Giriş pulsuzdur.
Bütün xəbərlər Facebook səhifəmizdə
USD
EUR
GBP
RUB