“Qəbələ”nin U-19 komandasında baş məşqçi dəyişikliyi gerçəkləşib. SİA-nın məlumatına görə, Famil Xəlilov “qırmızı-qaralar”ın baş məşqçisi təyin olunub.
2017-2018-ci illər mövsümündə bu komanda ilə Azərbaycan çempionu olan mütəxəssis ötən ilin avqustunda U-19-dan ayrılmışdı. Buna səbəb Xəlilovun 15 yaşadək futbolçulardan ibarət Azərbaycan milli komandasının baş məşqçisi təyin olunması idi.
Beş aydan sonra “Qəbələ”yə qayıdan mütəxəssis U-19-da Emin İmaməliyevi əvəzləyib. İmaməliyev müxtəlif komandaları çalışdırdığı futbol akademiyasından ayrılıb. O, karyerasını 2001-2002-ci il təvəllüdlü futbolçulardan ibarət Azərbaycan milli komandasında məşqçi kimi davam etdirəcək.
Bütün xəbərlər Facebook səhifəmizdə
USD
EUR
GBP
RUB