Formula 1 üzrə yeddiqat dünya çempionu Mixael Şumaxerin oğlu Mik Şumaxer atasının sabiq komandasında sınaq pilotu ola bilər. SİA-nın xarici mətbuata istinadən verdiyi məlumata görə, “Ferrari” komandası M.Şumaxerə sınaq pilotu müqaviləsi təklif edəcək.
Müqavilə imzalansa, pilot Bəhreyn və İspaniya Qran-Prilərindən sonra keçiriləcək bolidlərin sınaq yürüşlərində iştirak edəcək.
Qeyd edək ki, ötən il Formula 3 üzrə Avropa çempionatının qalibi olan M.Şumaxer bu ildən Formula 2 yarışlarında iştirak edəcək. O, eyni zamanda, İtaliyanın “Prema” komandası ilə əməkdaşlığını davam etdirəcək.
Müəllif: Elgün Vidadioğlu
Bütün xəbərlər Facebook səhifəmizdə
USD
EUR
GBP
RUB