Fransanın PSJ futbol klubunun üzvü Çupo Motinqin evi qarət olunub. "Report" xarici KİV-ə istinadən xəbər verir ki, 29 yaşlı hücumçu bir ay ərzində ikinci dəfə belə halla üzləşib. Kamerunlu futbolçuya dəymiş zərərin miqdarı və oğurlanmış əşyaların sayı bəlli deyil. UEFA Çempionlar Liqasının qrup mərhələsinin V turunun noyabrın 28-də baş tutan PSJ - "Liverpul" matçında da Motinqin evi qarət olunub. Həmin vaxt hücumçuya 600 min avro ziyan dəyib.
Qeyd edək ki, daha öncə PSJ-nin kapitanı Tiaqo Silvanın da evindən oğurluq edilib. Braziliyalı müdafiəçinin evindən bir neçə bahalı əşya, 600 min avro məbləğində saat götürülüb. Oyunçuya dəyən ziyan isə 1 milyon avroya bərabərdir.
Bütün xəbərlər Facebook səhifəmizdə
USD
EUR
GBP
RUB