"Növbəti həyatımda futbolçu olmağa çalışaram"

- Açıqlamlarınız bir-birini vurur. Əgər Qurban Qurbanovla ötən il müqavilə bağlanılıbsa, bu o deməkdir ki, İK-nın üzvləri yanlış qərar veriblər. Bu fikirlə razısınızmı? İkinci məsələ isə Qurban Qurbanov “Qarabağ”a görə göndərilibsə, aşağı yaş qrupularındakı məşqçilər göndərilməməliydi. Ümumi şəkildə hər kəsi göndərirsinizsə, bu, o deməkdir ki, həmin sistemi kənara çıxarırsınız.

- İlk olaraq, birinci verdiyiniz suala cavab verim. İK-nın ötən il qərar qəbul etdiyi amillər var. Hər addım komitədə müzakirə olunmuşdu. Müzakirə olunmuşdu ki, bu, böyük bir yük, ağır bir işdir. İki komandanı idarə etmək, baş məşqçi olmaq çətin işdir. Və iclasda Qurban Qurbanovun da fikri soruşuldu. O da qeyd etdi ki, bu yükü üzərinə götürməyə tam şəkildə hazırdır. Heç kim deyə bilməz ki, İK-da verilən hər qərar yüz faiz düz qərardır. Yəni, bu günkü iclasda bu da müzakirə olundu və bəzi üzvlər tərəfindən etiraf da oldu. Yəni, o vaxt bu məsələyə daha da dərin baxmalıydıq. Unutmayaq ki, ötən mövsüm milli komandanın 70 faizi “Qarabağ”ın üzvlərindən ibarət idi. Hazırda bu, belə deyil. İkinci suala gəlincə, əsas milli digərlərindən ayrıdı. Digərlərində isə çoxsaylı təlim-məşq toplaışları olur. Demək olar ki, hər ay bunlar təşkil olunub. Ancaq biz gördük ki, bunun faydası yoxdu. Məsələn, U-17 nəticə vermir, həm də intizam yoxdu. Əgər komanda beynəlxalq oyuna çıxırsa və 4 “qırmızı” alırsa, bu, komandanın böyük problemidi. İK da başa düşür ki, bunları həll etməliyik. Söhbət tək nəticədən getmir, qələbə qazanmaq da, məğlub olmaq da olar, feyr-pleyi pozmamalıyıq. Dünyada bunu ciddi təbliğ edirlər. Gənc futbolçularımız da buna uyğun davranmalıdılar. Çünki onlar gələcəkdə əsas komandanın üzvü olacaqlar. U-19-un nəticəsi oldu və Vüqar Məmmədlə yola davam edəcəyik.

- Qurban Qurbanovla qarşılıqlı razılıq əsasında müqaviləsinə xitam verildiyi bildirilib. Amma sizin danışığınızdan belə başa düşdük ki, razılıq əsasında yox, istefaya göndərilib.

- Xeyr, qarşılıqlı olub. Mən istefa sözünü deməmişəm. Qurban Qurbanov da iclasa dəvət olundu, onunla da müzakirələr etdik. Və o da bununla razılaşdı.

- Millinin yeni baş məşqçisi əcnəbi olacaq? Onu da nəzərə almaq lazımdır ki, Avropa çempionatının seçmə mərhələsinə çox az vaxt qalıb.

- İcraiyyə Komitəsinin üzvləri və AFFA prezidenti artıq katibliyə tapşırıq verib. Namizədlərin siyahısı hazırlanmalı və rəhbərliyə təqdim olunmalıdır. Mövzu əcnəbi və yerli mütəxəssisdən getmədi. Namizədləri Məşqçilər Komitəsi ilə müzakirə edəcəyik. Onların fikrini bilmək çox vacibdir. Namizədlərin siyahısı hazırlanacaq və rəhbərliyə təqdim olunacaq.

- İclas nə zaman olacaq?

- İlin sonuna qədər iclası reallaşdıracağıq. AÇ-nın seçmə mərhələsinə az vaxt qalıb və yeni məşqçi komandasını tanımalıdır. İlin sonu və ya yanvar ayının əvvəli növbəti iclasımız olacaq.

- Uğursuzluqlardan sonra Qurban Qurbanov bildirmişdi ki, hər şeyə yenidən başlamalıyıq. Siz nə düşünürsünüz?

- Təbii ki, baş məşqçi futbol tərəfini fikirləşir. Lakin mən deyə bilmərəm ki, Qurban müəllim nəyi düşünür.

- Hakimlər Komitəsinin tərkibində kimlər yer alacaq?

- Bütün strukturu təqdim edəcəyik.

- Millinin uğursuz çıxışından sonra istəs sosial şəbəkələrdə, istərsə də mediada daha çox sizin adınız çəkilir. Niyə çoxları düşünür ki, Elxan Məmmədov Azərbaycan futbolunu məhv edir?

- Növbəti həyatımda futbolçu olmağa çalışaram. Bilirsiniz, süni şəkildə hər şey ola bilər. Sərbəstlikdi, hər insan istədiyi fikri irəli sürə bilər. Şərt odur ki, təhqir etmədən. Biz sağlam tənqidi alqışlayırıq, bundan nəticə çıxarmağa çalışırıq. İnsanın şəxsi həyatı da belədi. Hər insan sağlam tənqidi qəbul etməlidi. Bu gün AFFA olaraq, bütün milli komandalara dəstək göstərmişik. Elə bir təlim-məşq toplanışı yoxdu ki, subyektiv yanaşaq və onu ləğv edək. Bu, dəfələrlə müzakirə olunur. Biz şərait yaradırıq, uşaq futboluna dəstək veririk.

- Uşaq futboluna diqqət ayrılsa da, heç bir səviyyədə inkişaf olmur. Bunun səbəbi nədir?

- O suala klublar cavab verə bilər. AFFA bütün yarışları təşkil edir. Ola bilər, səhv etmişik, 7-8 yaşlı uşaqlar üçün yarışlar olmalıdır. UEFA uşaq futboluna görə klublara pul ayırır və bu vəsaitə yaxşı akademiya təşkil etmək olar.

- Millidəki postundan istefa verən məşqçilər futbolçu qıtlığından şikayətlənirlər. Bu cümlənin işlədilməsində sizin və AFFA-nın günahı nə qədərdi?

- Hazırda çempionatımızda 8 komanda çıxış edir. Limitə uyğun olaraq minimum 5 futbolçu meydanda olmalıdı. Digər 5 nədəf isə ehtiyatda oturmalıdı. Bu, 80-ə yaxın futbolçu edir. "Sumqayıt" daha çox yerli futbolçulara güvənir, futbolçu sayı çoxdur. "Sumqayıt" milliyə düşə biləcək futbolçular güvənir və bu, yaxşı haldı. Keyfiyyətə gəlincə, bunu AFFA və PFL müəyyən edə bilməz. Ona görə də bu sualları klublara vermək lazımdır. Ola bilər ki, hardasa səhv var.

- Maliyyə məsələsi ilə bağlı xərclər açıqlanmayacaq. Ancaq bu, daha vacib məqamdır...

- İki il ərzində 100 faizlik şəffaflıq sistemi tətbiq olunacaq. Bunun üçün vaxt lazımdır. 24 arzində mərhələ-mərhələ bunu həyata keçirmək istəyirik. Bu gün AFFA-nın gəlirləri də, xərcləri də şəffaf şəkildə açıqlanır. Bu artıq son 9 il ərzində edilib. İctimaiyyət bilməlidir ki, klub nə qədər pul xərcləyib, sponsordan nə qədər maliyyə daxil olub.

- AFFA aşağı yaşlılar arasında liqalar təşkil edir, ancaq struktur düzgün deyil sanki. Məsələn, 12 komanda iştirak edir, 4-ü final mərhələsnə yüksəlir, qalan 8 komandadakı uşaqlar “itir”...

- Tamamilə razıyam. Bernhardt Lippertin hesabatının əsas qırmızı xətlə olanları da məhz bunlar idi. Bu, böyük problemdir. İstəyirik ki, hər liqada finalçılar müəyyənləşəndən sonra ikinci kubok yaradaq. UEFA özü də bu intensivliyi nəzrə alıb, UEL-2-ni yaratdı.

- AVRO-2020-nin seçmə mərhələsi üçün hədəf nə olacaq?

- Hədəf daha əvvəlki illərə müqayisədə daha yaxşı nəticə qazanmaqdır. Ancaq gəlin, əvvəlcə yeni baş məşqçini müəyyənlədirək, sonra hədəflər barədə danışaq.

- Baş məşqçiyə görə hədəflər dəyişir?

- Yox, təbii ki, dəyişmir. Ancaq biz reallığı nəzərə almalıyıq. 2020-ci il çempionatı çox vacibdir. Çünki ev sahibliyi edəcəyik. Vəsiqə qazansaq, iki oyunu Bakıda keçirəcəyik. Yeni baş məşqçi ilə danışıqlar zamanı Avro-2020-nin niyə vacib olduğu izah ediləcək. 2016-da demirdik, 2024 üçü də ola bilər deməyək. Ancaq indi bu, çox vacibdir.

- Yeni baş məşqçidən tələblər nə olacaq?

- Eyni tələblərdir. Daha yaxşı nəticə qazanmaq və Avro-2020.

- Daha yaxşı nəticə hansıdır?

- Əvvəlki illəri nəzərə almalıyıq.

- Qrupda 4-cü yer?

- 4-cü yer və ya 11 xaldan çox. Ancaq 2020-ci ilə bizim üçün xüsusilə vacibdir.

- Bernhard Lippert işinə davam edəcək?

- Müqaviləsi davam edir. Ola bilər ki, gələn il tərk etsin.

- Dediniz ki, aşağı yaş qruplarının məşqçilərinin istefası nəticə verməmələrinə görə oldu. Ancaq ziddiyət yaranır ki, onlara nəzarət etməli olan şəxs postunda qalır...

- Son 12 ayda Lippert ancaq müşahidə edirdi. Gənclərdən ibarət millilərin baş məşqçiləri şərt qoymuşdular ki, onların işinə heç kim qarışmasın. Buna görə də Məşqçilər Komitəsinin üzvləri də, Lippert də daha çox müşahidəçi kimi oyunlara gedirdi.