Səbinə Əzimova Azərbaycan Kubokunun qalibidir

29 Noyabr 2018 15:23 | 3 597

Şüvəlan qəsəbəsindəki Ağır Atletika Akademiyasının yarış zalında ağır atletika üzrə Azərbaycan Kuboku davam edir. Azərbaycan Ağır Atletika Federasiyasının mətbuat xidmətindən SİA-ya verilən məlumata görə, yarışda şəhər və rayonların, idman cəmiyyətlərinin, idman klublarının, idman mərkəzlərinin, UGİM-lərinin hazırkı əsasnamə üzrə təyin olunmuş dərəcə normalarını yerinə yetirən və tibbi müayinədən keçən yüzə yaxın atlet öz qüvvəsini sınayır. Azərbaycan Kubokunun təşkilində məqsəd atletlərin hazırlıq durumlarının yoxlanılması, ehtiyat qüvvənin nəzərdən keçirilməsi, güclü idmançıların seçilməsidir.

Körpücük üzərinə ilk olaraq qadınlar çıxıblar. Sinkleyr cədvəli üzrə mütləq qalibi müəyyən edən zərif cinsin nümayəndələrinin mübarizəsindən Səbinə Əzimova qalib ayrılıb. 18 yaşlı atlet toplam 172 kq (75+97) nəticə və 253.22 Sinkleyr xalı ilə təcrübəli rəqiblərini üstələməyi bacarıb. İkinci yerə 171 kq (78+93) nəticə və 233.29 xalla Boyanka Kostova, üçüncü yerə isə 164 kq (72+92) nəticə və 213.11 xalla Firuzə İbrahimova çıxıb.

Qeyd edək ki, bu gün start verilən yarış sabah (30 noyabr) başa çatacaq.

N	Adı	İl	Şəhər	Klub	Çəki	Birdən	Təkanla	Toplam	Xal
1.	Əzimova Səbinə	2000	Lənkəran	Zirvə	54.2	75	97	172	253.22
2.	Kostova Boyanka	1993	Bakı	Zirvə	59.1	78	93	171	233.29
3.	İbrahimova Firuzə	1997	Sumqayıt	Zirvə	63.9	72	92	164	213.11
4.	Əlizadə Gülçin	1997	Qazax	Zirvə	58.4	68	84	152	208.99
5.	Məhərrəmova Mərziyyə	1996	Goranboy	Zirvə	49.7	60	75	135	208.25
6.	Rzazadə Lalə	2001	Lənkəran	Zirvə	54.7	60	75	135	194.07
7.	Hüseynzadə Fidan	2001	Lənkəran	Zirvə	70.2	64	80	144	177.43
8.	Opanasyuk Anna	2003	Lənkəran	Zirvə	55.3	54	65	119	169.77
9.	Abdurəhmanova Fidan	1999	Bakı	Təhsil	91.0	65	86	151	165.77
10.	Muxtarlı Günel	2003	Sumqayıt	Zirvə	44.5	45	53	98	165.25
11.	Fərəcova Şəfa	2001	Lənkəran	Zirvə	57.7	50	65	115	159.39
12.	Verdiyeva Nazilə	1998	Xırdalan	Zirvə	59.6	51	59	110	149.25
13.	Vəliyeva Günel	1997	Xırdalan	Zirvə	63.4	–	–	–	–