Böyüklər Gəncədə, yeniyetmələr Masallıda qüvvələrini sınayacaq

10 Dekabr 2010 00:29 | 490

10-11 dekabr 2010-cu il tarixdə Masallıda əməkdar məşqçi Nadir Ağayevin xatirəsinə həsr olunmuş yunan-Roma güləşi üzrə yeniyetmələr arasında Respublika turniri keçiriləcək. Hər il keçirilən turnir əməkdar məşqçi Nadir Ağayevin xatirəsini yad etmək və yeni idmançıları üzə çıxarmaq məqsədi daşıyır.

SIA-nın verdiyi məlumata görə, turnirdə 1994-1996-cı il təvəllüdlü idmançılar iştirak edəcək. Azərbaycan Güləş Federasiyası, Federasiyanın 4 saylı nümayəndəliyi və Masallı rayon Gənclər və İdman İdarəsinin təşkilatçılığı ilə keçirilən turnir Olimpiya İdman Kompleksində baş tutacaq. Qaliblər diplom, medal və mükafatlarla təltif ediləcək.

13 dekabr 2010-cu il tarixdə Gəncədə əməkdar məşqçi İsax Cəfərovun xatirəsinə həsr olunmuş sərbəst güləş üzrə böyüklər arasında Respublika turniri keçiriləcək. Hər il keçirilən turnir əməkdar məşqçi İsax Cəfərovun xatirəsini yad etmək və idmançıların ustalıq səviyyəsini artırmaq məqsədi daşıyır.

Azərbaycan Güləş Federasiyası, Federasiyanın 7 saylı nümayəndəliyi və Gəncə şəhər Gənclər və İdman İdarəsinin təşkilatçılığı ilə keçirilən turnir Olimpiya İdman Kompleksində baş tutacaq. Qaliblər diplom, medal və mükafatlarla təltif ediləcək. Məşqçilər korpusundan verilən məlumata görə, bu turnirdə əsasən "ikinci nömrələr" sınaqdan keçiriləcək.

WhatsApp-da Səs Media Qrupu kanalını izləyin
Banner

Bütün xəbərlər Facebook səhifəmizdə

Digər xəbərlər


Warning: array_chunk() expects parameter 1 to be array, null given in /home/siaaz/www/classes/tpl.class.php(70) : eval()'d code on line 169

Warning: Invalid argument supplied for foreach() in /home/siaaz/www/classes/tpl.class.php(70) : eval()'d code on line 170