“Dünya çempionatı üçün hazırlıq plana uyğun şəkildə davam edir. Heç bir idmançımız zədəli deyil. Hədəfimiz Bakıda 2 medal qazanmaqdır”. SİA-nın məlumatına görə, bunu İsveç Cüdo Federasiyasının baş katibi Erik Vesterlund Bakıda keçiriləcək dünya çempionatına hazırlıqla bağlı danışarkən deyib.
O bildirib ki, kişilərin yarışında 73 kq çəki dərəcəsində çıxış edən Tommi Masias və qadınların mübarizəsində 70 kq çəkidə yarışan Anna Bernholmdan medal gözləyirlər.
Baş katib dünya çempionatının yüksək təşkilatçılıq şəraitində keçəcəyinə əminliyini ifadə edib: “Komandamız rəqiblər haqda lazımı məlumatlara malikdir. Bakıda dünya çempionatında ən yaxşı təşkilatçılıq gözləyirik”.
Qeyd edək ki, cüdo üzrə dünya çempionatı 20 - 27 sentyabrda Milli Gimnastika Arenasında təşkil olunacaq.
Bütün xəbərlər Facebook səhifəmizdə
USD
EUR
GBP
RUB