Avqustun 28-də UEFA Çempionlar Liqasının qrup mərhələsinə vəsiqə qazanan üç komandanın adları bəlli olacaq. SİA xəbər verir ki, mərhələnin ilk günündə üç qarşılaşma oynanılacaq. Hər üç qarşılaşma Bakı vaxtı saat 23:00-da başlayacaq.
“Dinamo Kiyev” doğma arenada “Ayaks” klubunu qəbul edəcək. Bu komandalar arasında ilk oyun 3:1 hesabı ilə Hollandiya təmsilçisinin xeyrinə başa çatmışdı.
Günün digər oyunu Zaqrebdə keçiriləcək. “Dinamo” klubu İsveçrənin “Yanq Boyz” komandasını qəbul edəcək. İsveçrədə baş tutan ilk oyun heç-heçə başa çatmışdı - 1:1.
Macarıstanın “Vidi” klubu Yunanıstan səfərində AEK komandasından ilk oyundakı məğlubiyyətin əvəzini çıxmağa çalışacaq. İlk görüş yunanların 2:1 hesablı qələbəsi ilə yekunlaşmışdı.
Avqustun 29-da play-off mərhələsi çərçivəsində növbəti üç cavab qarşılaşması keçiriləcək:
PAOK – “Benfika” (ilk oyun – 1:1)
“PSV Eyndhoven” – BATE (3:2)
“Zalsburq” – “Çrvena Zvezda” (0:0).
Qeyd edək ki, iki oyunun nəticəsinə əsasən qalib gələn komandalar UEFA Çempionlar Liqasının qrup mərhələsinə vəsiqə qazanacaqlar.
Bütün xəbərlər Facebook səhifəmizdə
USD
EUR
GBP
RUB