Futbol üzrə Almaniya milli komandası Rusiyada keçiriləcək dünya çempionatı üçün yekun heyətini açıqlayıb. SİA-nın məlumatına görə, baş məşqçi Yoahim Lövün açıqladığı heyətdə aşağıdakı futbolçular yer alıblar:
Qapıçılar - Manuel Noyer (“Bavariya”, Almaniya), Mark-Andre Ter Ştegen (“Barselona”, İspaniya), Kevin Trapp (“PSJ”, Fransa), müdafiəçilər - Cerom Boatenq, Mats Hummels, Yozua Kimmix, Niklas Züle (hamısı - “Bavariya”, Almaniya), Mattias Qinter (“Borussiya Menxenbladbax”, Almaniya), Yonas Hektor (“Köln”, Almaniya), Marvin Plattenhard (“Herta Berlin”, Almaniya), Antonio Rüdiger (“Çelsi”, İngiltərə), yarımmüdafiəçilər – Yulian Brandt (“Bayer Leverkuzen”, Almaniya), Yulian Draksler (“PSJ”, Fransa), Leon Qoretska, Sebastyan Rudi (hər ikisi - “Bavariya”, Almaniya) İlkay Gündogan (“Mançester Siti”, İngiltərə), Sami Xedira (“Yuventus”, İtaliya), Toni Kroos (“Real Madrid”, İspaniya), Məsut Özil (“Arsenal”, İngiltərə), hücumçular - Mario Qomes (“Ştutqart”, Almaniya), Marko Roys (“Borussiya Dortmunt”, Almaniya), Timo Verner (“Leyptsiq”, Almaniya), Tomas Müller (“Bavariya”, Almaniya).
Yoahim Löv ilkin heyətdə adları yer alan oyunçulardan Bernd Leno, Conatan Ta, Leroy Sane və Nils Peterseni əsas heyətə daxil etməyib.
Qeyd edək ki, Almaniya yığması mundialda “F” qrupunda Meksika, İsveç və Cənubi Koreya milliləri ilə mübarizə aparacaq.
Bütün xəbərlər Facebook səhifəmizdə
USD
EUR
GBP
RUB