Azərbaycan Milli Olimpiya Komitəsinin (MOK) baş katibinin müavini Azər Əliyev Avropa Olimpiya Komitələrinin (AOK) Avropa Yeniyetmələrinin Olimpiya Festivalı (AYOF) Komissiyasının üzvü seçilib. MOK-un mətbuat xidmətindən SİA-ya verilən məlumata görə, seçki Serbiyanın paytaxtı Belqradda AOK-un iclası çərçivəsində keçirilib. Toplantıda AOK-un müxtəlif komissiyalarının 4 illik fəaliyyətinə yekun vurulub və növbəti 4 il üçün fəaliyyət istiqamətləri müəyyənləşdirilib.
Azərbaycanı A.Əliyevdən əlavə, AOK İcraiyyə Komitəsinin üzvü, MOK-un vitse-prezidenti Çingiz Hüseynzadə, Beynəlxalq Əlaqələr İdarəsinin rəisi Anar Bağırov və Marketinq İdarəsinin direktoru Mehman Kərimov təmsil edib.
Qeyd edək ki, 2019-cu ildə AYOF Bakıda təşkil olunacaq.
Bütün xəbərlər Facebook səhifəmizdə
USD
EUR
GBP
RUB