Azərbaycanın triatlon yığması “Tokio-2020”yə vəsiqə qazanmaq üçün Olimpiya marafonuna qatılıb. Azərbaycan Triatlon Federasiyasının mətbuat xidmətindən SİA-ya verilən məlumata görə, komandamız Yaponiyanın Yokohama şəhərində keçirilən Dünya seriyasının üçüncü mərhələsində iştirak edib. Yarışda Rostislav Pevtsov 6-ci nəticə göstərib.
Pevtsov 1500 metrlik su məsafəsini 17 dəqiqə 47 saniyəyə başa vurub. Ardınca isə o, 40 kilometrlik velodistansiyanı 55 dəqiqə 58 saniyəyə qət edib. Nəhayət, yarışların sonuncu mərhələsi - 10 kilometrlik qaçış zolağını idmançımız 30 dəqiqə 57 saniyəlik nəticə ilə başa vurub. Ümumi hesabda R.Pevtsov 1 saat 46 dəqiqə 13 saniyə vaxt göstəricisi ilə 6-ci yerdə qərarlaşıb.
Turnirdə 55 idmançı mübarizə aparıb. Yarışın qalibi ispaniyalı Mario Mola olub.
Qeyd edək ki, idmançılarımız “Tokio-2020” Olimpiya Oyunlarına vəsiqə qazanmaq üçün iki il ərzində təsnifat turnirlərdə iştirak edəcəklər. Bu müddət ərzində onlar dünya və Avropa çempionatları, dünya kuboku yarışları da daxil olmaqla çıxış etdikləri bütün turnirlərdə Olimpiadaya lisenziya xalları toplayırlar.
Tokioda isə ən güclü 55 triatlonçu (kişi və qadın) çıxış edəcək.
Bütün xəbərlər Facebook səhifəmizdə
USD
EUR
GBP
RUB