“Legioner həyatı yaşadığım ölkələrdən maliyyə baxımından ən sərfəlisi Ukrayna idi. Azərbaycanda isə Polşadakı qədər qazanırdım. İsveç və Norveçdə əmək haqqım kosmik səviyyədə olmadı. Ancaq orada yaşayış çox baha idi". Qol.az-ın məlumatına görə, bu sözləri “Simurq”un sabiq futbolçusu Marçin Burkxardt Polşa mətbuatına müsahibəsində deyib.
34 yaşlı yarımmüdafiəçi bildirib ki, Azərbaycan oynadığı ən ekzotik ölkələrdən biri idi: "Qafqaz dağlarının ətəyində yerləşən bir kənddə yaşayırdım. İnsanlar küçədə uzunqulağa minirdilər. Bakıya gedəndə isə sanki başqa dünyaya düşürdük. Azərbaycan paytaxtı çox qlamur və dəbdəbəli yerdir. Hər matçdan sonra məşqçimiz 2 günlük Bakıya getməyimizə icazə verirdi”.
Bütün xəbərlər Facebook səhifəmizdə
USD
EUR
GBP
RUB