Çexiyanın “Slaviya” klubunun U-21 komandası qış fasiləsi dönəmində daha bir yoxlama oyunu keçirib. SİA-nın məlumatına görə, azərbaycanlı futbolçu Fərid Nəbiyevin formasını geyindiyi bu kollektiv “Meteor”la üz-üzə gəlib. Qarşılaşma Praqa təmsilçisinin 3:0 hesablı qələbəsi ilə başa çatıb.
Fərid matça start heyətdə başlayıb və sonadək mübarizə aparıb.
“Slaviya”ya baxışa yollanan “Qəbələ” Futbol Akademiyasının yetirməsi, U-17 millimizin yarımmüdafiəçisi Samir Qurbanov da bu görüşün iştirakçısı olub. O da Nəbiyev kimi 90 dəqiqə meydanda olub. 2001-ci il təvəllüdlü futbolçu “Slaviya”nın qələbəsinə 18 və 40-cı dəqiqələrdə fərqlənməklə imza atdığı dublla töhfə verib.
Bütün xəbərlər Facebook səhifəmizdə
USD
EUR
GBP
RUB