"Neftçi” fevralın 11-də Topaz Premyer Liqasının 15-ci turu çərçivəsində "Kəpəz” ilə qarşılaşacaq. SİA-nın məlumatına görə, "Bakcell Arena”da keçiriləcək oyun saat 17:30-da start götürəcək.
Müstəqillik dövründə "Neftçi" bu komanda ilə indiyədək 49 çempionat oyununda üz-üzə gəlib. Flaqman bu görüşlərdən 22-də qələbə qazanıb, 18-də məğlub olub, 9 oyunda isə heç-heçə qeydə alınıb. Top fərqi də "Neftçi”nin xeyrinədir - 70:45.
"Neftçi" indiyədək "Kəpəz”lə 25 ev oyunu keçirib ki, bunlardan 14-də qalib gəlib. Digər matçlardan 6-sı heç-heçə, 5-i isə məğlubiyyətlə nəticələnib. Bu oyunlarda rəqib qapısından 43 top keçirən "Neftçi” öz qapısından 19 top buraxıb.
Cari mövsümün ilk hissəsindəki oyunlara gəlincə, "Bakcell Arena”da qalib müəyyənləşməsə də (0:0), Gəncə şəhər stadionunda "Neftçi” qələbə qazanıb – 1:0. Komandanın qələbə qolunu kapitan Ruslan Abışov vurub.
Bütün xəbərlər Facebook səhifəmizdə
USD
EUR
GBP
RUB