“2018-ci ildə sambo üzrə milli komandanın yeni heyəti yeniyetmələr, gənclər və böyüklər arasında Azərbaycan birinciliyi və çempionatının nəticələrinə əsasən müəyyənləşəcək”. Bunu SİA-ya açıqlamasında sambo üzrə Azərbaycan milli komandasının baş məşqçisi, Əməkdar məşqçi Yaqub Abdullayev deyib.
Onun sözlərinə görə, ölkə birinciliyi və çempionatı fevralın 1-də başlayacaq və 4-də başa çatacaq: “Yarış Şağan Olimpiya İdman Kompleksində təşkil ediləcək. Yığma komandanın tərkibi formalaşandan sonra millinin təlim-məşq toplanışı başlayacaq. Millimiz təqvim planında nəzərdə tutulan beynəlxalq yarışlarda iştirak edəcək”.
Baş məşqçi vurğulayıb ki, üzürsüz səbəbdən ölkə çempionatında iştirak etməyən istənilən samboçu yığmaya dəvət edilməyəcək: Azərbaycan birinciliyi və çempionatında bütün idmançılar iştirak etməlidirlər. Əgər hansısa samboçu üzürlü səbəbdən iştirak edə bilməsə, federasiyaya öncədən müraciət etməlidir. Hələ indiyədək belə bir məktub daxil olmayıb”.
Bütün xəbərlər Facebook səhifəmizdə
USD
EUR
GBP
RUB