Bakı Slavyan Universitetinin idman zalında kişilər və qadınlar arasında badminton üzrə Bakı şəhər kuboku keçirilib. SİA-nın məlumatına görə, yarışda "Təhsil RİM", "Neftçi İSM-1", "BŞBTİ-1", "Neftçi İSM-2" kimi komandalarını təmsil edən 40 nəfər idmançı (16 qız, 36 oğlan) mübarizə aparıb.
Gərgin mübarizə şəraitində keçən yarışda ilkin olaraq qadınlar arasında I yerə "Təhsil RİM", II yerə "Neftçi İSM", III yerə "BŞBTİ-1" komandaları layiq görülüblər. Kişilər arasında I yeri isə "Neftçi İSM-1", II yerə "Təhsil RİM", III yerə "Neftçi İSM-2" komandaları tutublar.
Yarışda I, II və III yerlərə layiq görülmüş komandalar Bakı şəhər Gənclər və İdman Baş İdarəsi tərəfindən müvafiq dərəcəli diplomlar və kubokla təltif olunublar.
Bütün xəbərlər Facebook səhifəmizdə
USD
EUR
GBP
RUB