“Neftçi”nin icarəyə verdiyi Edson Kastilyo vətəni Venesuelada çempionluq sevinci yaşayıb. SİA-nın məlumatına görə, yarımmüdafiəçi ölkə kubokunun qalibi olub.
Onun şərəfini qoruduğu “Mineyro” həlledici görüşdə “Zamora”nı üstələyib. Səfərdəki ilk matçdan 1:1 hesablı bərabərliklə qayıdan mineyrolular cavab qarşılaşmasında evdə 4:3 hesabı ilə qalib gələrək qızıl medalları boyunlarından asıblar.
Qeyd edək ki, Kastilyonun “Neftçi” ilə müqaviləsi 2018-ci ilin yayında başa çatacaq. Elə yarımmüdafiçinin “Mineyro”da icarə müddəti də məhz yayda yekunlaşacaq.
Bütün xəbərlər Facebook səhifəmizdə
USD
EUR
GBP
RUB